Í dag er ég búin að skreyta meira í vinnunni en heima hjá mér... hmmm verð að taka mig á heima. M heldur því fram að verið sé að skreyta fir jólin og sig. Ég leyfi henni að trúa því.. eins og jólasveinana, ætli það komi niður á mér seinna?

Í gær beit R mig í höndina mjög fast þannig að það komu tannaför. Ég varð reið við hana og beit hana á móti, þó laust og varlega án þess að það kæmu för til þess að kenna henni að þetta megi ekki. Ég var búin að heyra að þetta væri ráð sem myndi virka og það virkaði á M á sínum tíma. R fór að gráta en M kom henni til hjálpar og húð skammaði mig: "Mamma það á ekki að bíta lítil börn, þau vita ekki betur!" Svo hljóp hún út á bað og náði í "tusku" (sem er þvottaklútur) og huggaði systur sína og þurrkaði henni í framan. Ég varð hálf hvumsa og nánast skammaðist mín. Yndislegur ráðskonurassinn minn!