Landið bláa

Jæja þá er maður lenntur í þoku og súld eða það var það allavega kvöldið sem við lenntum. M var bara fín fyrstu tvo klukkutímana en tók léttan trilling síðastu klukkustundina. Það var í fyrsta skipti sem ég fékk hornauga annara farþega og varð vandræðaleg út af barninu mínu. En fok it klukkan var líka orðin 23.00 á hennar tíma og varla hægt að ætlast til að 2 1/2 barn skilji alveg hvað er að gerast og að það eigi að haga sér og taka tillit til sveitra skalla í kringum sig!
Í gær fórum við í gönguferð um sjávarplássið og hittum einungis tvo sem við þektum. Hálf ættin fékk hjartaáfall yfir því að við hefðum labbað allaleið upp í hverfi!!! Fólk á íslandi er greinilega hætt að labba. 25 mín gönguferð þykir bara vera brjálæði og með barnið í kerru ... jesús minn. Þetta er sko að verða lítil Nameríka. Bæjarstjórnarpólitíkin á sjávarplássinu gengur út á það að fá gott og falleg Mall og svo 10 hæða penthous blokkir í miðbæinn???? Hvað er að. Það er ekki einusinni hátt fjall í næsta nágrenni. Hæsti tindur fjalsins "okkar" er rétt rúmir 600m. og koma svo með einhverja Mamuth blokk, fólk er fífl!!!

En svo í dag er ég búin að fara á 4 mismunandi opinberar stofnanir í ýmist snatt. Mikið ósköp er fólkið miklu þægilegra í viðmóti en í Kbh. Ég hef aldrei verið jafn glöð í þess konar erindagjörðum. Og nú er hún M komin með isl. kennitölu verður skráð á hagstofu Íslands og fær sitt pláss í Íslendigabók og fær síns eigins sér íslenskt vegabréf!! yeaaaa. Og þar að auki fær hún danskt vegabréf ef hún vill og getur haldið tvöföldum ríkisborgararétt þartil hún verður 21 árs. Það er vegnaþess að Danir eru ekki búnir að viðurkenna tvöfaldan ríkisborgararétt en það hafa hinsvegar íslendigar gert. Hver viet nema að árið 2022 verði danir búnir að taka þessi lög fyrir og samþykkja tvöfaldan ríkisborgara rétt en .... ekki ef Dansk folkeparti heldur áfram að vera áhrifavaldur!!! Sveijattan. Pía pulsa!

Maðurinn minn náði nýju persónulegu meti í gær!!!
Ég aftur á móti passaði börn með grannkonu minni og sötraði indælis rauðvín.
Ég er farin að kvíða svolítið fyrir því að fara til Íslands í kuldan. Mér skilst að þar hafi snjóað í gær. Við þurftum afturámóti að sannfæra M um að hún þirfti ekki að fara í dúnúlpuni á leikskólann vegna þess að hér var um 17 stiga hiti! hmmmmmm
Ég er að hugsaum að taka sumarið með mér til Íslands.

Það er gott að sofa í sól!

Í dag labbaði ég um Amagercenter með opna buxnaklauf!

Dagurinn í dag er bara einn af þessum dögum. Maðurinn minn kom heim undir morgun því að hann var að hitta vin sinn sem er í heimsókn og það þíðir að ég sef bara með annað augað lokað (hvað er þetta með okkur kvenfólk að geta ekki sofnað þó að karlarnir séu úti, ekki eru þeir hálf vakandi ef við erum ekki aö skila okkur, þeir sofa bara jafnvel betur ... meira pláss .... aarghhh!!!). Svo fór frk. M vitlausu meigin frammúr og hún varð að gera allt sjálf. Svo gleimdi ég símanum heima þannig að í stað þess að geta farið beint að stússast eftir að ég fór með M. á leikskolann þurfti ég að fara aftur heim að ná í hann og svo aftur upp að ná i annað og svo af stað að láta taka af mér rándýrar og hund ljótar passamyndir seeeem ég þurfti svo ekki á að halda og svo fór ég og keypti mér kúlupenna sem reyndist vera blýpenni og svo keipti ég mér kaffi í 7/11 sem ég missti í gólfið í búðinni sjáfri, náði rétt að bjarga því en með þeim afleiðingum að ég brenndi mig á handabakinu og fékk gusuna yfir peysuna mína seeeem betur fer er svört. Kom móð og másandi á fund sem eftir á að hyggja var algjör tímaskekkja að sitja (en það er ekki okkur að kenna heldur þeim sem héldu fundinn!) en dagurinn er ekki búinn enn þannig að kannski á þetta bara eftir að vera einn af þessum betri dögum !!

Föðursystir fór í dag, það er nú bara frekar leiðinlegt. Ef ég hefði átt stærra hús hefði ég nú bara stolið henni og geimt hana og manninn hennar niðri í kjallara og hleipt þeim út um helgar. Það var semsagt yndislegt að hafa þau í heimsókn. Ég hef bara sjaldan verið með jafn afslappaða og þægilega gesti. M var eitur hress allan tíman og er alveg búin núna. Chr. er varla búinn að ná sér eftir þessa helgi enda tók hann vel á. Hann var gjörsamlega alveg búinn í morgun og fékk því að sofa út .... lengi.
Við M förum til landsins bláa eftir viku. Ég ætlaði að vera búin að missa 10 kiló fyrir árgangsmótið en það er náttúralega vitfirra að gera sér einhverjar vonir um að spikið minki á meðan maður situr í sól og blíðu og sötrara bjór!!! Semsagt það eru svört föt og uppgreitt hár og háir hælar .... það grennir!